Femia de Cordulegaster boltonii ovopositando

Posta exofítica, ovoposición sobre o sustrato de río dunha femia de Cordulegaster boltonii.

Femia androcroma de Anax imperator ovopositando

Neste vídeo podemos observar unha posta endofítica realizada por esta femia que inserta os ovos na vexetación flotante da charca.

Femia androcroma de Anax imperator ovopositando from Anxos Romeo on Vimeo.

Posta en tándem de Sympetrum flaveolum

Imaxes de posta en tándem de exemplares de Sympetrum flaveolum sobre vexetación terrestre nunha lagoa no Cebreiro.

Sympetrum flaveolum ovopositando en tándem from Anxos Romeo on Vimeo.

Macromia splendens (Pictet, 1843)

Grazas as indicacións de Adolfo Cordero, Martiño e eu  puidemos ver este mes exemplares de Macromia splendens no Río Tea.
É unha das especies máis atraente e fermosa  da Odonatofauna Ibérica.

É un dos odonatos de máis envergadura. Posúe uns grandes ollos verdes esmeralda moi brillantes. Tórax verde metálico con bandas amarelas, corpo negro con manchas tamén amarelas,  e unhas longuísimas patas negras.

Para saber máis sobre esta especie podemos consultar o pdf de Odonatos de Extremadaura, pax. 197.

Por máis que intentamos sacar unha foto, foinos imposible retratala coas nosas cámaras.

Soamente temos unhas boas imaxes dunhas exuvias atopadas no Río Tea.

Por isto queremos agradecer a Adolfo Cordero que nos enviara algunhas fotos para este post.

Macromia splendens, Encoro de Albarellos. Adolfo Cordero.

Exuvia de Macromia splendens. Adolfo Cordero.

Macho de Macromia splendens. Adolfo Cordero

Aeshna isoceles (Müller, 1767)

 Comparándoa coas outras Aeshnas esta especie carece da mancha negra en forma de T na fronte. Nas ás, ten unha significativa mancha amarela na súa base. O que máis destaca nela son os fermosos ollos de cor verde.  O tórax é de  tons ámbar escuro con manchas amareladas nos costados. No abdome predominan os tons de cor ámbar  cun característico triángulo isósceles amarelo na zona dorsal do segundo segmento abdominal.

Fotos en Doniños, Ferrol. Exemplares macho de Aeshna isoceles, 26 de xuño 2012.

Un día en Vilamartín: Orthetrum brunneum

Saída ó campo realizada por Pepo Nieto, Martiño Cabana, Pepe das Pedras e Rafa Vazquez na que se poderon ver diferentes especies de odonatos (Orthetrum brunneum e O. coerulescens) e de hérpetos (Lissotriton boscai e Podarcis hispanica) realizada o 14 de xullo do 2011 en Vilamartín de Valdeorras.

Pepo Nieto, excelente naturalista e entusiasta dos documentais da natureza, regálanos este pequeno vídeo sobre o Orthetrum brunneum, especie de recente aparición en Galicia.

Moitas grazas a Pepo por facernos desfrutar con esta fermosa e esquiva especie.

Lestes virens (Charpentier, 1825)

A cor principal desta especie é verde bronce claro metálico. Pterostigmas tricolor.
Os machos maduros teñen  pruinosidade azul exclusivamente nos S9-S10 , e os apéndices anais inferiores son moi pequenos e claros.
A característica principal da femia, e que o seu ovopositor non supera o último segmento abdominal , S10.

Macho de Lestes virens

Macho de Lestes virens

Macho de Lestes virens

Macho de Lestes virens

Posta en tándem

Lestes barbarus (Fabricius, 1798)

Macho de Lestes barbarus

Macho de Lestes barbarus

Detalle importante do pterostigma

Brachytron pratense (Müller, 1764)

Nunha das primeiras saídas para ver odonatos este ano, Martiño e eu visitamos O Grove.
Neste día, entre outras especies, vimos varios exemplares de Brachytron pratense na canteira da Lanzada, e nas charcas intradunares.

Brachytron pratense é un pequeno Anisóptero que adoita ser confundido con algunhas especies do xénero Aeshna, pero o abdome é moito máis curto.
O macho ten os ollos azuis; ten o tórax verde claro coa parte superior marrón; dúas manchas antehumerais verdes, grandes e estreitas. O abdome é negro brillante con máculas alargadas azul claro, exceptuando no S3, que son verdes. Apéndices anais estreitos, longos, e curvados cara a dentro. Nas imaxes pódemos observar como resalta a presenza de pequenos “pelos” por todo o corpo.
A femia ten os ollos escuros; tórax marrón con ausencia de manchas antehumerais ou residuais de cor amarela. Abdome negro grisáceo con máculas dobres reducidas amarelas.
Apéndices anais moi longos, rectos e estreitos.
Distribúese pola costa galega, onde voa a principios da primavera nos principais humidais costeiros.


Fotos na Lanzada, 29 de marzo 2012

Cópula



Téneral

Lestes sponsa (Hansemann, 1823)

Nestes dous últimos anos atopáronse na zona de Trevinca e Macizo Central varias poboacións desta especie. Neste enlace ó artigo publicado no Boletín da SEA podedes ler máis información: Primeras Cistas de Lestes sponsa para Galicia.

Lestes sponsa é unha libeliña de cor verde escuro brillante,
os machos maduros teñen pruiniscencia azul no tórax e nos segmentos abdominais 1,2,9 e 10.
Característica principal: xenitais masculinos cos apéndices inferiores rectos e estreitos.
Na femia o ovopositor non sobrepasa o último segmento abdominal (S10).

Fotos de Trevinca 2011

Forma recta dos cercos

Simetría dun Zygóptero

Exercicio realizado por alumnos de 3º ESO.